Surigao Norte, DENR, LMDA mipahigayon og Workshop on Mainstreaming Biodiversity in Comprehensive Land Use Planning

SURIGAO DEL NORTE, Nob. 12 (PIA) -- Ang probinsya sa Surigao del Norte uban sa pakigtambayayong sa Department of Environment and Natural Resources, mipahigayon og usa ka orientation-workshop on Mainstreaming Biodiversity in Comprehensive Land Use Planning ngadto sa mga munisipyo sakop sa Mainit Lake, bag-ohay pa lamang didto sa Philippine Gateway Hotel, Surigao City.

Ang pagpahigayon sa maong orientation-workshop nahisubay sa Biodiversity Partnership Project (BPP) sa DENR nga i-implementar sa mga miyembrong munisipyo sa Lake Mainit Development Alliance (LMDA) didto sa Sison, Tubod, Mainit, ug Alegria sa Surigao del Norte ug Kitcharao, Jabonga, Tubay ug Santiago sa Agusan del Norte.

Ang mga partisipante sa maong kalihukan mao ang elective officials, municipal planning officers, municipal agriculturists ug environment officers, engineers, fishing technicians, foresters ug technical staff gikan sa mga line agencies.

Ang maong kalihukan gipasilitar sa Project Management Unit sa DENR-Manila ug gipundohan sa United Development Programme ug gisupotahan usab ni Surigao del Norte Gov. Sol Matugas, ang kasamtangang chairperson sa Lake Mainit Development Alliance, ug co-chaired Gov. Erlp Amante sa Agusan Del Norte. (Arturo M. Cruje, PPDO-Coordinator/PIA-Surigao del Norte)
(From: http://www.pia.gov.ph/news/index.php?article=1721352702992)